Content on this page requires a newer version of Adobe Flash Player.

Get Adobe Flash player

Community briefing Luta Hamutuk iha sub-Distritu Maliana no Cailaco 10 May 2012

Husi dia 8-11 de Maio, ekipa Luta Hamutuk halao hela aktividade "Community Briefing" iha Maliana no Cailaco kona ba asuntu Orsamentu Geral do Estado, EITI no Partisipasaun Komunidade.


Luta Hamutuk hala’o aktividade briefing iha Distritu Bobonaro, aktividade briefing ne'e hanesan aktividade regular nebe kada tinan Luta Hamutuk hala’o iha Distritu nebe mak identifika tiha ona. Aktividade briefing  ne’e nudar  forum  ida hodi fahe informasaun no diskute problema/obstaklu ba nesesidade baziku nebe mak komunidade hasoru iha area rural, oinsa  prosesu dezenvolvimentu nasional iha area rural.

 

Aktividade  briefing ne'e  hala’o iha loron Tersa-Feira 08/05/2012 to’o Sesta-Feira 11/05/2012, objektivu husi aktividade briefing  ida ne’e mak hanesan;

  1. Atu fahe informasaun baziku ba komunidade sira iha aera rurais konaba asuntu riku-soin mina no gas iha Timor-Leste.
  2. Transaparansia iha prosesu implementasaun orsamenurtu jeral estadu, kapasita komunidade iha area rural hodi partisipa ba dezenvolvimentu iha rai laran no rona mos komunidade nia hanoin prosesu dezenvolvimentu iha area rural.
  3. Atu identifika kandidatu Pontu Fokal Luta Hamutuk nian iha Distritu Bobonaro nune’e bele tau matan rasik ba prosesu dezenvolvimentu iha sira nia Suku.

 

Briefing ne’e tuir planu Luta Hamutuk sei implementa iha Distritu Bobonaro, Sub-distritu Cailaco no Sub-distritu Maliana. Aktividade ne’e hala’o iha Suku hat (4) mak hanesan; Suku Manapa, Suku Meligo (Sub-distritu Cailaco) no Suku Ritabou, Suku Lahomea (Sub-distritu Maliana).

 

Partisipantes mak partisipa iha aktividade briefing ne'e  hamutuk ema nain 200 husi Suku hat (4), partisipantes ne'e  kompostu husi Autoridade Lokal, Reprezentante  Juventude Feto no Mane, Estudantes no reprezentante komunidade  iha Suku rasik.

 

Neduni atu hetan informasaun kompletu liu tan, liu husi produsaun KARTA POPULAR iha ediasun tuir mai sei publika kona ba POVU Sub-distritu Maliana no Cailaco NIA LIAN...!!!


comment

Total Comment (0)